1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Uchaguzi Mkuu wa Ujerumani 2025Mzozo wa Israel na HamasBundesliga
Sauti zetuVidio zetu
SiasaJamhuri ya Kidemokrasia ya Congo

M23 wachukua udhibiti wa maeneo ya uchimbaji madini Kongo

Saumu Njama
19 Januari 2025

Wapiganaji wa kundi la waasi linaoungwa mkono na Rwanda la M23, wamechukua udhibiti wa eneo muhimu la uchimbaji madini katika Jamhuri ya Kidemokrasia ya Kongo.

https://p.dw.com/p/4pLNK
DR Kongo Kibumba 2022 | waasi wa M23
M23, wamechukua udhibiti wa eneo muhimu la uchimbaji madini nchini DRC.Picha: Moses Sawasawa/AP Photo/picture alliance

Wakaazi wameliambia shirika la habari la AFP kwa njia ya simu kwamba kundi hilo lenye silaha lilichukua udhibiti wa Lumbishi, eneo lenye utajiri wa madini katika mkoa wa  Kivu Kusini jana Jumamosi, kabla ya kuelekea Numbi na Shanje, maeneo mengine mawili katika jimbo  jirani la Kalehe.

Soma pia: Tshisekedi akataa mazungumzo ya moja kwa moja na M23

Tangu 2021 kundi la M23 limekuwa likishikilia maeneo mengi ya mashariki yenye utajiri wa madini ya Jamuhuri ya Kidemkrasia ya Kongo.

Kulingana na shirika la kuhudumia Wakimbizi,la Umoja wa Mataifa, UNHCR, Takriban watu 237,000 wameyakimbia makazi yao tangu mwanzoni mwa Januari kutokana na mapigano kati ya jeshi la Kongo na M23.

Makumi ya watu wajeruhiwa na wengine wayakimbia mapigano mashariki mwa DRC