Ukraine imesema vikosi vyake vipo chini ya shinikizo kali

Kamanda wa vikosi vya ardhini Oleksandr Syrskyi amesema kwenye mitandao ya kijamii kuwa hali karibu na Bakhmut ni tete. Amesema licha ya kukumbwa na hasara kubwa, adui ametumia vikosi vilivyojiandaa zaidi vya mashambulizi kutoka kundi la mamluki la Wagner, vinavyojaribu kuvunja ngome za majeshi ya Ukraine na kuuzingira mji huo.

Kitovu hicho cha kiviwanda ambacho kilikuwa na idadi ya wakaazi 70,000 kabla ya vita, kimekuwa uwanja wa vita mashariki mwa Ukraine. Rais wa Ukraine Volodymyr Zelensky alionya jana usiku kuwa hali karibu na Bakhmut inaendelea kuwa ngumu.