1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Sauti zetuVidio zetu
Yanayoangaziwa
Uchaguzi wa Marekani 2024Mzozo wa Israel na HamasBundesliga
SiasaUswidi

Iran yasitisha kumpeleka balozi wake nchini Sweden

Tatu Karema
2 Julai 2023

Waziri wa mambo ya kigeni wa Iran, Hossein Amirabdollahian amesema nchi yake imesitisha kupeleka balozi mpya nchini Sweden kama hatua ya kupinga kitendo cha kuchomwa moto kwa Quran nje ya msikiti mmoja mjini Stockolm.

https://p.dw.com/p/4TJpJ
Libanon | PK Hossein Amirabdollahian
Picha: Hassan Ammar/AP Photo/picture alliance

Waziri huyo wa masuala ya kigeni wa Iran, ametoa taarifa hiyo leo kupitia akaunti yake ya mtandao wa kijamii wa Twitter akisema kuwa licha ya taratibu zote za kumteua balozi kukamilika, mchakato wa kumpeleka Sweden umesimama kutokana na serikali ya Sweden kuruhusu kuchomwa kwa kitabu hicho kitakatifu cha Quran Jumatano iliyopita. Mwanaume aliyefanya tukio hilo aliyejitambulisha kama mkimbizi kutoka Iraq, tayari ameshafunguliwa mashtaka.

Polisi nchini Sweden yakataa maandamano ya kupinga Koran

Amirabdollahian hakusema ni kwa muda gani Iran imesitisha kupeleka balozi wake Sweden. Licha ya Polisi nchini Sweden kukataa maombi kadhaa ya hivi karibuni ya maandamano ya kupinga Quran, mahakama zimekuwa zikitupilia mbali maamuzi hayo zikidai kuwa kufanya hivyo kunakiuka haki ya uhuru wa kujieleza.