Iran na China zatia saini makubaliano ya ushirikiano

Brigadia jenarali wa Iran Mohammed-Reza Astiani, amesema kuimarishwa kwa ushirikiano na ukaribu wa pande zote kunahitajika kutatua changamoto za kiusalama za kikanda na kimataifa.

Astiani ameyasema hayo baada ya mazungumzo na mkuu wa jeshi la wanamaji la ChinaDong Jun katika mji mkuu wa Kazakhstan, Astana.

Iran imetengwa kimataifa

Iran imetengwa kimataifa kwa sababu ya mpango wake wa nyuklia na uungaji wake mkono kwa makundi ya wapiganaji katika eneo la Mashariki ya Kati. Kukabiliana na hatua hiyo, serikali mjini Tehran imeimarisha uhusiano wake na Urusi na China.

Na katika harakati za kutafuta washirika wapya, Iran ilijiunga na Jumuiya ya SCO mwezi Julai mwaka jana.