1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Sauti zetuVidio zetu
Yanayoangaziwa
Uchaguzi wa Marekani 2024Mzozo wa Israel na HamasBundesliga
JamiiVisiwa vya Comoros

IOM: Watu 25 wafariki baada ya kupindukia kwa boti Comoros

Tatu Karema
5 Novemba 2024

Shirika la Kimataifa la Uhamiaji, IOM, limesema Jumatatu kwamba takriban watu 25 walifariki dunia wakati walanguzi wa biashara haramu ya usafirishaji wa binadamu walipolipindua boti lao kimakusudi nchini Comoro.

https://p.dw.com/p/4mbRc
Uhamiaji nchini Uhispania - Wahamiaji kadhaa wameketi kwenye boti katika bahari ya Mediterania huku waokoaji wakijaribu kuwasaidia. Wahamiaji 60 waliokolewa na wafanyakazi wa shirika lisilo la kiserikali la meli, Open Arms
Uhamiaji nchini UhispaniaPicha: Antonio Sempere/picture alliance/dpa/EUROPA PRESS

Katika taarifa, IOM imesema boti hilo lilizama Ijumaa jioni kati ya kisiwa cha Comoro cha Anjouan na kile cha Ufaransa cha Mayotte kwenye njia ya wahamiaji inayotumiwa mara kwa mara ambapo maelfu ya watu wamepoteza maisha katika muda wa miaka mingi.

Wahanga wa ajali ni raia wa mataifa tofauti

Wavuvi waliwaokoa manusura watano Jumamosi asubuhi. Manusura hao walisema boti hiyo ilikuwa imebeba takriban watu 30 wa mataifa tofauti, wakiwemo wanawake saba na watoto sita wadogo.

Comoro yakataa kuwapokea wahamiaji wa Mayotte

Taarifa ya IOM ilinukuu ripoti kutoka kwa baraza la seneti la Ufaransa lililokadiria kuwa kati ya watu 7,000 na 10,000 walipoteza maisha wakijaribu kuvuka kutoka Comoro kwenda Mayotte kati ya mwaka 1995 na 2012, lakini ikasema huenda idadi hiyo ikawa juu zaidi.