Hezbollah yavurumisha maroketi 100 katika milima ya Golan

Hezbollah imesema hatua hiyo ni ya kulipiza kisasi shambulizi la kutokea angani lililofanywa na Israel ambalo lilimuua raia mmoja katika mji wa Baalbeck, mashariki mwa Lebanon Jumatatu jioni. Kwa mujibu wa duru za usalama za Lebanon watu wengine sita walijeruhiwa katika shambulizi hilo. Hakukuwa na ripoti zozote za majeruhi wala uharibifu upande wa Israel.

Israel imesema imeishambulia mitambo mitatu ya kuvurumishia maroketi nchini Lebanon iliyokuwa inatumiwa kufyetua maroketi kuelekea milima ya Golan leo asubuhi.