Hezbollah yamtangaza Naim Qassem kuwa kiongozi mpya

Baraza la uongozi la kundi hilo limesema limekubali kuchaguliwa Sheikh Naim Qassem, kuwa katibu mkuu wa Hezbollah.

Kundi hilo linaloungwa mkono na Iran limesema limeazimia kuendelea na mapambano mpaka ushindi dhidi ya Israel upatikane, baada ya vita kuzuka mnamo mwezi Septemba.

Israel na Hezbollah zashambuliana kwenye maeneo muhimu

Sheikh Qassem mwenye umri wa miaka 71 ni miongoni mwa wanachama waanzilishi wa kundi hilo  lililoundwa mnamo mwaka 1982 na amekuwa naibu kiongozi wa kundi hilo tangu mwaka 1991.