Wajumbe wa Hamas hawatoshiriki mazungumzo ya usitishaji vita

Licha ya hilo, Afisa huyo aliyeomba kutokutajwa jina, amesema ujumbe huo hautahudhuria mazungumzo ya usitishaji vita yanayoendelea katika mji mkuu huo wa Misri.

Ameongeza kuwa, wawakilishi hao wa Hamas watakutana na maafisa wa ngazi ya juu wa shirika la ujasusi la Misri ili kufahamu yanayojiri katika mazungumzo hayo. 

Matumaini ya kusitisha mapigano Gaza yanafifia

Hayo yanafanyika wakati Ikulu ya Marekani ya White House ikisema kuwa, mazungumzo ya mjini Cairo kuhusu kusitisha vita, yamepiga hatua na yataendelea wikendi hii.

Wakati Marekani na washirika wake wa Mashariki ya Kati wakiendelea kuishinikiza Israel na kundi la Hamas wafikie makubaliano. Kwa miezi kadhaa, Qatar, Misri na Marekani zimekuwa zikijaribu kupata makubaliano ya usitishaji vita vilivyoanza miezi kumi iliyopita.