Guterres asema yuko tayari kufanya kazi na Donald Trump

Kwenye taarifa iliyotolewa na ofisi yake, Guterres amejiunga na viongozi wengine duniani kumpongeza Trump kwa ushindi aloupata na kusisitiza kwamba ushirikiano kati ya Marekani na Umoja wa Mataifa ni nguzo muhimu kwenye mahusiano ya kimataifa.

Muhula wa kwanza wa Trump madarakani ulishuhudia mashambulizi ya kila wakati dhidi ya Umoja wa Mataifa na hata kupunguzwa kwa ufadhili wa kibajeti unaotolewa na Washington kwenye chombo hicho.

Vilevile msimamo wa Trump wa kutanguliza maslahi ya Marekani kwanza uliteteresha uthabiti wa mahusiano ya kimataifa hasa katika kuzishughulikia changamoto za kilimwengu.