Flick amesema hana mashaka na Barcelona dhidi ya Bayern

Miamba hao wa Ujerumani wamewazaba Barcelona katika mechi zote sita walizocheza, na Barcelona wameshindwa kufunga bao katika mechi nne kati ya hizo. Wakati Flick alikuwa kocha wa Bayern waliwachabanga Barcelona mabao 8-2 katika robo fainali ya Ligi ya Mabingwa mwaka wa 2020. Flick amesema haijalishi kilichotokea huko nyuma, kilicho muhimu ni kitakachofanyika sasa. Barcelona, ambayo walibeba taji la Ligi ya Mabingwa mara ya mwisho mwaka wa 2015, wanacheza leo usiku dhidi ya Bayern Munich timu inayofundishwa na Vincent Kompany. Timu nyingine za Ujerumani zitakazocheza leo ni RB Leipzig dhidi ya wageni Liverpool ya England na Bayer Leverkusen watakaokuwa ugenini Ufaransa dhidi ya Brest.