1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Sauti zetuVidio zetu
Yanayoangaziwa
Uchaguzi wa Marekani 2024Mzozo wa Israel na HamasBundesliga
Siasa

Bolsonaro arejea Brazil kuongoza upinzani dhidi ya Lula

Bruce Amani
30 Machi 2023

Rais wa zamani wa Brazil wa siasa kali za mrengo wa kulia Jair Bosonaro, amerejea nyumbani kutoka uhamishoni jimboni Florida, Marekani kuuongoza upinzani dhidi ya rais wa siasa za mrengo wa kushoto Luiz Inacio da Silva.

https://p.dw.com/p/4PUhp
USA, Florida | Brasiliens Ex-Präsident Jair Bolsonaro
Picha: Rebecca Blackwell/AP/picture alliance

Maelfu ya wafuasi wamemkaribisha kiongozi huyo ambaye hakukubali kushindwa katika uchaguzi wa mwaka jana, katika uwanja wa ndege wa Brasilia.

Maafisa waliimarisha usalama, kwa kufunga barabara za kuelekea katika maduka makubwa ya mji huo ili kuzuia hatari ya kuzuka maandamano yenye vurugu.

Bolsonaro apanga kurejea Brazil katika wiki zijazo

Bolsonaro alikimbilia Marekani, siku mbili kabla ya kukabidhi madaraka kwa Lula mnamo Januari mosi.

Alisema alihitaji kupumzika, lakini wakosoaji wanasema alikuwa anakwepa hatari ya kufanyiwa uchunguzi wa kisheria wa kesi kadhaa ambazo huenda akakabiliwa nazo nchini Brazil.