1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Uchaguzi wa Marekani 2024Mzozo wa Israel na HamasBundesliga
Sauti zetuVidio zetu
Asili na mazingiraChina

Baerbock aonya kuhusu athari za mabadiliko ya tabianchi

Tatu Karema
16 Novemba 2023

Waziri wa mambo ya nje wa Ujerumani Annalena Baerbock ametoa wito kwa mataifa ya ghuba yenye utajiri wa mafuta na gesi pamoja na China kuchangia katika mfuko mpya wa kufidia uharibifu wa hali ya hewa katika nchi maskini

https://p.dw.com/p/4Yr95
Waziri wa mambo ya nje wa Ujerumani Annalena Baerbock akielekea Abu Dhabi mnamo Novemba 11, 2023
Waziri wa mambo ya nje wa Ujerumani Annalena BaerbockPicha: Michael Kappeler/dpa/picture alliance

Wito  huo wa Baerbock uliotolewa jana Jumatano, unakuja takriban wiki mbili kabla ya kongamano la kimataifa la Umoja wa Mataifa kuhusu mabadiliko ya tabianchi COP 28 huko Dubai. Baerbock ameonya dhidi ya kupuuza vita dhidi ya ongezeko la joto duniani na athari zake mbaya . Baerbock amesema kuwa mzozo wa hali ya hewa hautambui mabomu na makombora lakini unaathiri kila mmoja bila huruma.

Mfuko kutumika kufidia athari za ongezeko la joto duniani

Mfuko huo, uliokubaliwa wakati wa mkutano wa hali ya hewa wa mwaka jana, unapaswa kutumika kutoa misaada baada ya matukio mabaya ya hali mbaya ya hewa yaliosababishwa na ongezeko la joto duniani, kama vile dhoruba au ukame.

Hata hivyo, kwa mujibu wa pendekezo la maelewano ya muda, takriban mataifa hayo 200 yatakaowakilishwa katika mkutano huo wa COP28, yatachangia kwa hiari katika mfuko huo wakati ambapo hakujakubaliwa kiwango maalumu.