هريس او ټرمپ سپتمبر کې تلويزيوني مناظره کوي
۱۴۰۳ مرداد ۱۹, جمعهټرمپ په ناڅاپي توګه د دوو نورو مناظرو لپاره د وخت ټاکلو غوښتنه هم کړې ده.
د امریکا د متحده ایالاتونو د جمهوري ریاست ټاکنو لپاره د جمهوري غوښتونکو او ډیموکراټ ګوندونو کاندیدان ډونالډ ټرمپ او کاملا هریس غواړي چې د سپټمبر په میاشت کې په خپله لومړنۍ ټلویزیوني مناظره کې برخه واخلي.
د « اې بي سي » ټلویزیوني رسنۍ د راپور له مخې، دواړو سیاستوالو د امریکا په سېمه ییز وخت د سپټمبر په لسمه نېټه چې د مرکزي اروپا پر وخت ۱۱ نېټه کېږي، د مناظرې موافقه کړې ده.
تر دې وړاندې ټرمپ او د امریکا د متحدو ایالتونو ولسمشر او د دموکرات ګوند نوماند جو بایډن مخکې له دې چې د ولسمشرۍ د راتلوونکې دورې لپاره خپله کاندیدي لغوه اعلان کړي او مېرمن هریس دغه کاندیدۍ ته دننه شي، د دغه د ټلویزیوني مناظرې لپاره په یاده نېټه موافقه کړې وه.
د دې وقفې په جریان کې، ټرمپ په یوه تلویزیوني پروګرام کې د بدیل په توګه د بلې نیټې وړاندیز کړی و.
اوس د جمهوري غوښتونکو کاندید ډونالډ ټرمپ د فلوریډا ایالت په مارلاګو ښار کې د یو خبري کنفرانس له لارې اعلان وکړ چې هغه غواړي په ټولیزه توګه په دریو تلویزیوني مناظرو کې له هریس سره مخامخ شي.
ټرمپ وویل چې د هغه ټیم د دوه نورو تلویزیوني رسنیو سره د سپتمبر په څلورمه او د همدغه میاشتې په ۲۵ نېټه چې د مرکزي اروپا په وخت د سپتمبر ۵ او ۲۶ نېټه کېږي، موافقې ته رسیدلی دی.
هریس چې د ټاکنیز کمپاین لپاره مشیګن ایالت ته په سفر روانه ده له خبریالانو سره په خبرو کې ویلي، هغه خوشحاله ده چې ټرمپ بالاخره د سپتمبر په ۱۰ لسمه نېته د یوې مناظرې سره موافقه وکړه، نوموړي یوې بلې مناظرې لپاره هم چمتوالی ښودلی دی خو په دې اړه یې نور وضاحت نه دی ورکړی.
ټرمپ همدارنګه د جمهوري ریاست د مرستیالانو « جي ډی وینس » او د « والز» تر منځ د یوې ترسره کېدونکې مناظرې یادونه هم وکړه خو تاریخ یې نه دی په ډاګه کړی.
ټرمپ او مېرمن هریس په تیرو څو ورځو کې د تلویزیوني مناظرې د نیټې ټاکلو په برخه کې اختلافات درلودل او یو بل یې تورن کړل چې د بل اړخ سره مخ کیدو څخه ویره لري.