طبيعت او چاپيريالهندوستان
هندوستان: ترافيکي پېښه کې ۱۸ کسان مړه شوي
۱۴۰۳ تیر ۲۰, چهارشنبه
اعلان
د ځايي پولیسو یو افسر ذوالفقار علي، د فرانسې خبري آژانس ته وویل چې «بس د شا له خوا ټانګر سره ټکر شو چې پکې ۱۸ کسان مړه او ۱۹ نور ټپیان شوي دي.»
د اتر پردیش لومړي وزير یوګي آديته نات دغه پېښه «زړه بوږنونکې» بللې ده.
د هندي تلویزیون ان ډي ټي وي، د رپوټ له مخې، دغه مسافر وړنکی بس له شرقي ایالت بیهار څخه نوي ډيلي ته پر لاره وو.
په هندوستان کې ترافيکي پېښې معمول دي. د حکومتي ارقامو پر اساس، په ۲۰۲۲م کال په دغه هېواد کې کابو ۱۶۸زره کسانو په ترافيکي پېښو کې خپل ژوند له لاسه ورکړی وو.
په می میاشت کې د هند تر کنټرول لاندې کشمير کې په یوه ترافيکي پېښه کې ۱۲ کسان مړه او تر ۵۰ ډېر نور ټپیان شوي ول.
له آرشیف څخه: