د برلين په تمځای کې د چاوديدونکو توکو په ايښوونکي پسې لټه
۱۴۰۳ آبان ۱۰, پنجشنبه
نن، پنجشنبه د آلمان په پلازمېنه برلين کې، پولیسو تر هغه وروسته لټون پېل کړ چې د برلين د ريلګاډو په يوه تمځای کې يوه سړي په چاوديدونکو توکو ډک يو بکس د چهار شنبې په ماښام هلته پرېښی وو.
د پوليسو يوه افسر د برلينر په نوم ورځپانې ته ویلي: «داسې ښکاري چې د يوه برید مخه نیول شوي وي». په بکس کې پراته مواد که چېرې د خلکو يوې ډلې ته څېرمه چاودلي وای نو «دراماتيکې پایلې» به یې درلودلې وای.
نارينه چې بکس ورسره وو، هغه وخت تېښته کړې چې پوليسو د کنترول غوښتنه ترې کړې وه.
د چاوديدونکو توکو ماهيت نه دی تائيد شوی
د پوليسو يوه وياند وويل چې د چاوديدونکو توکو د پلټنو نتايج تر اوسه په لاس کې نشته.
خو د «بلد» ورځپاڼې چې يوه ستر ورځپاڼه ده، ویلي دي چې په بکس کې تریاسيتون تريپیروزایډ موجود وو چې د چاوديدونکي پوډرو په نامه ياديږي او اکثره په عامه خلکو باندې د افراطيانو په بريدونو کې کاريږي.
د صدراعظم اولاف شولڅ، د سوسيال ديموکرات ګوند څخه د پارلمان يوه غړي ډېرک ویزه، د راينشه پوست ورځپاڼې ته وويل چې «پوليس په څرګند ډول د يوه بريد په مخنيوي توانيدلي دي.»
نوموړي دې ورځپاڼې ته وويل: «دا په څرګند ډول ښيي چې زموږ په هېواد کې د ترهګرۍ ګواښ څومره لوړ دی.»
ب. ص/ ن. ز (ډي پي ای، ای اف پي)