چين له پاکستان سره اړيکې، خو ضمانت هم غواړي
۱۴۰۲ مهر ۲۸, جمعه
چين د پاکستان يو مهم متحد او پانګه اچونکی هېواد دی، خو په تېرو کلونو کې هم بېلتون غوښتونکو او هم اسلام پالو نيمه پځيانو د چين پر پروژو بريدونه کړي او د چين کارګران يې وژلي دي.
د چين ولسمشر شي جين پينګ د پنجشنبې په ماښام د پاکستان له موقت لومړي وزير انوارالحق کاکړ سره وليدل چې د چين د «يوه کمربند يوې لارې» پروژې فورم له پاره چين ته تللی دی.«نواز شريف اجازه لري هيواد ته ستون شي»
شي وويل چې دواړه هېوادونه کولی شي د چين پاکستان اقتصادي دهليز يوه »لا پياوړې بڼه« رامنځ ته کړي چې د صنعتي پارکونو، زراعت، کان کيندنې، نويو انرژيو او مواصلاتو په برخه کې نوې پروژې پکې پلې کېدای شي. په ورته وخت کې يې د چينايي منافعو د ساتنې او امنيت د تامينولو غوښتنه هم وکړه.پاکستان د ابابیل په نوم بالستیک توغندي آزموینه کړې
د چين خارجه وزارت د شي او کاکړ له خبرو څخه په نقل قول ويلي چې »موږ هيله لرو چې پاکستانۍ غاړه به په پاکستان کې د چينايي بنسټونو او پرسونل د امنيت ضمانت وکړي.«
کاکړ د چهارشنبې په ورځ وويل چې پاکستان د ۲۵ ميلياردو ډالرو په ارزښت تر ۵۰ زياتې پروژې بشپړې کړې دي چې د پاکتسان او چین د اقتصادي دهليز پروژې په چوکاټ کې راځي. شي وويل چين حاضر دی د ملګرو ملتونو او د شانګهای د همکارۍ سازمان په چوکاټ کې د پرمخلتونکو هېوادونو علايق خوندي کړي.طالبان: پلان لرو د چين د ستري پروژې برخه وګرځو
چين همداراز له پاکستان څخه د ښو زراعتي توکو د وارداتو هرکلی وکړ. خو د پاکستان په بلوچستان آيالت کې چې ډېرې طبيعي منابع لري، بلوڅ بېلتون پالو خبرداری ورکړ چې چين د دوی خبرې ته غوږ نه نيسي چې د پاکستان له حکومت سره دې معاملې نه کوي. چين بيا په ورته وخت کې په پاکستان کې د اسلام پالو نيمه پوځيانو له خطر څخه خبرداری ورکړی دی.