Сиромашните почесто имаат тежок тек на Ковид-19

Најголемиот булеварски весник во Германија, „Билд“, на почетокот од претходната недела објави извештај со застрашувачки бројки: Меѓу луѓето кои морале да се лекуваат на одделенијата за интензивна нега во германските болници поради тежок тек на Ковид-19, има многумина со миграциско потекло.

Дали политиката сакала да ги премолчи бројките?

Весникот се повикува на разговори со претседателот на институтот „Роберт Кох“, Лотар Вилер и со шефови на повеќе големи клиники во Германија, кои зборуваат за удел до 90% на пациенти на одделенијата за интензивна нега кои имаат странско потекло. Премолчената порака на овој извештај гласи: Дали политичарите и научниците претпочитале да ги премолчат овие бројки за да не бидат изложени на обвиненија за непријателство кон странци?

Вилер: „Неформален, личен разговор“

Неколку дена подоцна Вилер на прес-конференција во Берлин ја релативизираше главната поента на извештајот, особено ако изјавите на одделни лекари се стават во корелација со ситуацијата во цела земја.

Но, тој исто така даде потврда за разговори со лекарите: „Се работи за личен разговор, неформална размена на мислења и информации, на кој размислувавме за различни работи, но не донесовме конечни заклучоци. Такви податоци немаме. Такви податоци нема во институтот 'Роберт Кох“, а според членот 11 од Законот за заштита од инфекции, такви податоци и не се собираат.“

Повеќе:

Над 20 милиони Германци соочени со зголемен ризик од тежок тек на Ковид-19

Коронавирусот го урна митот за Германија

Маски, пари и немање морал

Пандемијата е екстремен предизвик за мигрантите

Уделот на луѓе кои немаат германски пасош во Германија изнесува околу 13 проценти. Тоа се пред сѐ луѓе кои лошо зборуваат или разбираат германски, особено многуте бегалци кои во земјата дојдоа по 2015 година. За нив Одмор во Занзибар со коронавирус во куферотпандемијата е екстремен предизвик. Тие често живеат на тесен простор, а пристапот до јавни информации, како продолженија на забрани за патување или преземените мерки во Германија, честопати е тежок.

Нема податоци за цела земја

Оттука, не е чудо ако уделот на луѓето со миграциско потекло во бројот на инфицирани и болни од Ковид-19 е поголем отколку кај остатокот од населението. Но, доверливи бројки за целата земја - нема. Институтот „Роберт Кох“ добива анонимизирани податоци од клиники и институти за здравство за бројот на инфицирани и починати.

Портпаролот на Министерството за здравство, Себастијан Гуелде, додава: „Постојано укажувавме, меѓу другите и институтот 'Роберт Кох', дека јазичните бариери и различниот пристап до здравствени информации се многу значајни фактори за здравствената состојба на луѓето. Други прашања кои се разбира играат улога се социоекономските фактори, значи работната средина, животните услови воопшто, како на пример условите за домување.“

Повеќе:

Пандемијата се испречи пред полесниот пат до работа во Германија

Германија стравува од трет бран коронавирус, остануваат рестрикциите

Одлучувачки - статусот, условите на домување и работните услови

Берлинскиот весник „Тагесшпигел“, на пример, известуваше од болници во главниот град, каде на лекување се впечатливо многу мажи од големи фамилии од арапскиот простор или Турција. Честопати имало конфликти со членови на семејствата кои не се согласувале со забраната за посети во болниците поради короната. Но, и овие лекари претпочитаат да заклучуваат дека погоденоста од инфекцијата и знаењето за пандемијата имаат повеќе врска со социјалниот статус отколку со потеклото.

Накусо: Оној кој е сиромашен и кој живее на тесен простор, заболува почесто. И, почесто заболува оној кој работи во тешки услови.

„Сиромашните имаат потежок тек на болеста“

Медицинскиот социолог Нико Драгано од Универзитетската клиника Диселдорф, укажува на една многу важна разлика - мора да се прави разлика помеѓу опасноста од зараза и тежок тек на болеста. Драгано за ДВ вели: „Има одредени болести кои го зголемуваат ризикот од тежок тек на Ковид, доколку се заразите. Тоа се, на пример, срцеви зболувања, висок крвен притисок, прекумерна телесна тежина, дијабетес. Сето тоа се болести кои почесто ги погаѓаат луѓето кои се сиромашни.“

Ваквата поврзаност ја утврдува и Организацијата за соработка и развој (ОЕЦД) и тоа не само за Германија. Според студија на ОЕЦД, во земјите членки на организацијата, од сите лекари во просек 24% се мигранти, а тој удел кај негувателите е 16%. Тоа значи дека толкав процент од мигрантите кои се медицински персонал е на првата линија на фронтот на борбата против коронавирусот.

Странците се многу присутни и во други сфери. На пример, дури и кога анти-пандемиските мерки го достигнаа својот врв, беа направени отстапки за влез на странци кои ќе помагаат при жетвата. Така беше и во Германија.

Повеќејазични материјали за информирање

Останува и јазичниот проблем. Портпаролот на Министерството за здравство, Себастијан Гуелде, нагласува дека во Министерството се свесни за тоа: „Информативниот материјал, на пример, во меѓувреме се преведува на десет странски јазици. И сервисниот телефонски број 116117 од средината на март ќе биде на уште четири други јазици - англиски, турски, арапски и руски.“

Она што е непознато е како ваквите информации навистина ќе стигнуваат до погодените групи од населението.