Трамп повикува на протести: „Во вторник ќе ме уапсат!“

„Водечкиот републикански кандидат и поранешен претседател на САД ќе биде уапсен во вторник идната недела. Протестирајте, вратете си ја нашата нација!“, напиша Трамп денеска (18.03.) на неговата социјална мрежа.

Државниот обвинител на Њујорк води истрага против Трамп за плаќање мито на една порно-актерка. Адвокатите на Трамп наводно пред шест години ѝ платиле на Сторми Даниелс да молчи за нејзината наводна афера со Доналд Трамп, а њујоршкото обвинителство размислува околу можноста да покрене обвинение по таа основа. Американските медиуми сметаат дека тоа ќе се случи во следните неколку дена. Трамп би бил првиот бивш претседател на САД обвинет за сомневање дека извршил кривично дело.