МВР најавува нов начин на доставување лични документи

Од понеделник, 11 март, почнува нов процес на издавање лични карти и тоа во просториите на месно надлежните станици според местото на живеење на граѓанинот наведен во личната карта, најави денеска Министерството за внатрешни работи.

Како што се додава, тоа треба да овозможи секој граѓанин да „може да пристапи во кој било период од денот, секој ден од неделата, со цел да си ја подигне готовата лична карта“.

„Анализата на успешноста на доставата на лични карти на домашна адреса на граѓаните на територија на Град Скопје доведе до заклучок дека е нецелосна, несеопфатна и недоволно ефикасна, а истовремено го нема посакуваниот ефект и кај граѓаните и кај полициските службеници кои беа задолжени за достава“, стои во соопштението на македонското МВР.