گرل فرینڈ پر قاتلانہ حملہ، نو عمر افغان مہاجر کو سات سال قید

جرمن خبر رساں ادارے ڈی پی اے کے مطابق یہ افغان شہری سن 2015 میں جرمنی پہنچا تھا۔ اس افغان پناہ گزین کی عمر تقریباﹰ 17 سال ہونے کی وجہ سے عدالت نے نابالغ بچوں کے قوانین کو مدِنظر رکھتے ہوئے سزا کا تعین کیا ہے۔ نو عمر افغان مہاجر پر الزام تھا کہ اس نے سن 2017 میں کرسمس سے قبل اپنی سترہ سالہ گرل فرینڈ کو چاقو سے شدید زخمی اور قاتلانہ حملہ کیا تھا۔ جرمن شہر ڈارمشٹاٹ کی عدالت نے الزام ثابت ہونے کے بعد اس کو مجرم قرار دے دیا۔

جرمن ٹین ایجر لڑکی کا قتل، افغان مہاجر کو ساڑھے آٹھ سال قید

واضح رہے گزشتہ ہفتے ہی جرمن شہر لنڈاؤ کی عدالت نے انیس سالہ افغان مہاجر عبدل کو پندرہ سالہ جرمن لڑکی میا وی کی ہلاکت کا ذمہ دار قرار دیتے ہوئے ساڑھے آٹھ سال کی سزا سنائی تھی۔ بعد ازاں سنائی جانے والی سزا کے خلاف باقاعدہ طور پر اپیل درج کرا دی گئی تھی۔

دوسری جانب جرمنی کے شمالی شہر فلینسبرگ کی عدالت میں بھی ایک افغان پناہ گزین پر اسی نوعیت کا مقدمہ زیرسماعت ہے۔ امکان ہے کہ جرمنی میں ایک مرتبہ پھر جرائم پیشہ مہاجرین کے حوالے سے بحث چھڑ جائے گی۔

کيمنٹز ميں مہاجرين مخالف جذبات کیسے ٹھنڈے ہوں گے؟

قبل ازیں بروز جمعہ لنڈاؤ میں افغان مہاجر کو سنائی گئی سزا کے حق میں مظاہرے بھی کیے گئے ہیں۔ تقریباﹰ ایک ہزار مظاہرین نے ’نسل پرستی کے خلاف، آزاد عدلیہ‘ کے عنوان سے بینرز اٹھا رکھے تھے۔ جبکہ مشرقی جرمن شہر کیمنٹس میں انتہائی دائیں بازو کے مظاہرین کی جانب سے غیر ملکیوں کے خلاف ناخوشگوار واقعات بھی رونما ہوئے ہیں۔

ع آ / ع س (ڈی پی اے)