ٹور ڈی خنجراب، ٹور ڈی ایمپوسیبل

اس سائیکل ریس میں سینکڑوں کلومیٹر کا فاصلہ طے کرنے کے لیے مقررہ وقت خاصا کم ہے۔ اس لیے یہ ریس سائیکل سواروں کے لیے ایک بڑا چیلنج ہے۔

اس سائیکل ریس کے ٹریک پر سائیکل سوار پہاڑوں مسلسل بلندی کی جانب سفر کرتے ہیں اور بیچ میں کئی سرنگوں سے گزرتے ہیں۔

پاکستان کے شمالی حصے میں دنیا کے بلند ترین پہاڑ اور گلیشیئرز موجود ہیں۔ اس سائیکل ریس کا راستہ بھی انہی حسین پہاڑوں کے ساتھ ساتھ ہے۔

رواں برس اس سائیکل ریس کا دوسرا ایڈیشن منعقد ہوا، جس میں قریب 88 سائیکل سواروں نے آغاز کیا، تاہم نصف سے بھی کم یہ ریس مکمل کر پائے۔

اس ریس میں اس بار افغانستان اور سری لنکا کی دو ٹیمیں بھی شامل تھیں، جب کہ سوئٹزرلینڈ اور اسپین کے سائیکل سوار بھی شامل تھے۔

اس ریس کا اختتام سطح سمندر سے قریب پانچ ہزار میٹر بلند مقام پر ہوتا ہے۔ ریس کا آخری حصہ سب سے مشکل ہے، جب کہ اس ریس کا آغاز سطح سمندر سے قریب 28 سو میٹر کی بلندی سے ہوتا ہے۔

ریس میں شریک افراد کے ساتھ ساتھ سکیورٹی اہلکاروں اور ایمبولینسوں کی ایک طویل قطار بھی دیکھی جا سکتی ہے۔ اس کا مقصد سائیکل سواروں کو محفوظ انداز سے اپنا سفر انجام دینے کے لیے بہتر ماحول مہیا کرنا ہے۔

بلند پہاڑی چوٹیوں کے ساتھ بل کھاتے دشوار گزار راستے طے کرنا کوئی آسان کام نہیں، تاہم مشکل پسند ایتھلیٹس دنیا بھر سے اس ریس کی جانب متوجہ ہو رہے ہیں۔