يورپی يونين ميں زيادہ قريبی تعاون ضروری: چانسلر ميرکل

 جرمن چانسلر انگيلا ميرکل نے اس  سربراہی کانفرنس سے قبل وفاقی پارليمنٹ ميں ايک حکومتی بيان ديا، جس ميں انہوں نے يورپی يونين کے ممالک کے درميان مالی اور اقتصادی سطح پر بہت زيادہ قريبی تعاون پر زور ديا ہے۔

چانسلر ميرکل نے آج وفاقی پارليمنٹ ميں تقرير کرتے ہوئے کہا کہ کئی اقدامات کے نتيجے ميں يورو زون اور اُس سے بھی ماورا اقتصادی تعاون کا ايک نيا معيار حاصل کر ليا جائے گا۔ انہوں نے آج وفاقی پارليمان ميں اپنے حکومتی بيان ميں يورپی يونين کو مزيد اختيارات دينے اور قومی اختيارات کو کم کرنے کی بات کی۔ اس سلسلے میں دوسرے يورپی ممالک کی طرف سے کی جانے والی مخالفت کی اہميت کو گھٹاتے ہوئے جرمن چانسلر نےکہا کہ ہم آگے بڑھيں گے۔

چانسلر ميرکل نے واضح طور پر اپنے وزير خزانہ شوئبلے کی حمايت کرتے ہوئے اُنہی کی طرح ايک طاقتور يورپی مالی کمشنر کا مطالبہ کيا، جسے مالی استحکام ميں ناکام رہنے والے ممالک کے قومی بجٹوں ميں مداخلت کے اختيارات حاصل ہوں۔ اُنہوں نے کہا کہ يورو کو مستقل طور پر مستحکم بنانے کے ليے متعلقہ ممالک کی طرف سے اپنے بجٹوں کو بہتر بنانے کے زيادہ پکے وعدے کافی نہيں ہوں گے۔ چانسلر ميرکل نے کہا کہ مشترکہ کرنسی يورو کے ليے اقتصادی سياست ميں بھی رکن ممالک ميں زيادہ اتفاق رائے ضروری ہے۔

چانسلر ميرکل نے اپنے حکومتی بيان ميں يہ بھی کہا کہ يورپی يونين کے رکن ممالک کو اصلاحات کے ليے يورپی سطح پر ايسے منصوبے طے کرنے ہوں گے جن کی پابندی لازمی ہو اور اُن کی قومی پارليمانوں کو ان کی منظوری دينی ہو گی۔ جرمن چانسلر نے ايک نئے فنڈ کی تجويز بھی پيش کی، جس سے يورپی يونين کے رکن ممالک کو اصلاحات کے ليے  ايک محدود مدت تک کے ليے رقوم دی جائيں۔ انہوں نے يہ بھی کہا: ’’آج اور کل کی يورپی سربراہ کانفرنس يورو زون کے بحران پر قابو پانے کے سلسلے ميں آخری کانفرنس نہيں ہو گی۔ اس طرح کی کانفرنسيں آئندہ بھی ہوتی رہيں گی کيونکہ يورو کو طاقتور بنانے کے ليے يکے بعد ديگرے اقدامات کی ضرورت ہو گی۔‘‘

چانسلر ميرکل نے يونان کا بھی ذکر کيا جس کی مالی مشکلات بہت زيادہ ہيں:  ’’ميری خواہش ہے کہ يونان يورو زون ميں رہے، صرف  اس ليے نہيں کہ يونان ہمارا دوست اور نيٹو کا اتحادی ہے بلکہ اس ليے بھی کہ تمام دشواريوں کے باوجود يہ يونان، يورو زون اور پوری يورپی يونين کے فائدے ميں ہے۔‘‘

يورپی يونين کی آج اور کل تک جاری سربراہی کانفرنس ميں بڑے فيصلوں کی توقع نہيں کی جاتی۔

n-tv,sas/sks