افغان حکومت کی يکطرفہ جنگ بندی: پہلے دن ستائيس افراد ہلاک

افغان طالبان نے صوبہ فرياب ميں کوہستان ڈسٹرکٹ کے گورنر عبدالرحمان پناہ کو ہلاک کر ديا ہے۔ صوبائی حکومت کے ترجمان جاويد بيدار نے ضلعی گورنر اور بارہ سکيورٹی اہلکاروں کی ہلاکت کی تصديق کر دی ہے۔ ان کے بقول صوبہ فرياب ميں کوہستان ڈسٹرکٹ کا مرکز اب طالبان کے قبضے ميں ہے۔

افغان صدر اشرف غنی نے پچھلے ہفتے غير متوقع طور پر طالبان کے خلاف جاری جنگی کارروائيوں ميں عارضی فائر بندی کا اعلان کر ديا تھا۔ انہوں نے يہ اعلان رمضان کے اختتامی ايام کے تناظر ميں کيا۔ اس فائر بندی کا اطلاق آج منگل سے ہو چکا ہے۔ دريں اثناء اس کے جواب ميں طالبان نے بھی سولہ تا اٹھارہ جون جنگ بندی کا اعلان کر رکھا ہے۔

پچھلے چوبيس گھٹنوں کے دوران البتہ افغانستان کے مختلف حصوں ميں طالبان باغيوں کے حملوں ميں ستائيس افراد ہلاک ہو چکے ہيں۔ سر پل صوبے ميں سيد نامی ضلع ميں طالبان نے حملہ کرتے ہوئے چودہ سکيورٹی اہلکاروں کو ہلاک کر ديا ہے۔ صوبائی کونسل کے رکن نور آغا نوری نے بتايا کہ اس حملے ميں پچيس ديگر افراد زخمی بھی ہوئے۔ اسی دوران مشرقی صوبے غزنی ميں بھی پانچ سکيورٹی اہلکار ايسے ہی طالبان باغيوں کے حملے ميں مارے گئے جبکہ چھبيس افراد اس حملے ميں زخمی بھی ہوئے۔

ع س / ا ا، نيوز ايجنسياں