Talibanët zgjerojnë kontrollin në Afganistan

Pas disa ditë luftimesh në krahinën qendrore afgane të Ghorit, qendra e rrethit Taivara ra në duart e kryengritësve. Prej luftimeve pati të paktën 70 të vrarë dhe 30 të plagosur, tha Mohammed Madavi, anëtar i Këshillit Provincial. Shumica ishin anëtarë të të ashtuquajturës polici lokale, që paguhej nga qeveria dhe donatorët ndërkombëtarë. Edhe pse talebanët kanë pësuar humbje, "ne na mbetej vetëm të tërhiqeshim", tha shefi i policisë provinciale Mohammed Mustafa Moseni. Njerëzit e tij po presin tani disa kilometra larg qytetit për përforcime për të kaluar në kundërsulm.

Edhe në provincën veriore afgane Fariab një nga qaret ra sërish në duahet e islamistëve. Për Fariabin ka kohë që zhvillohen luftime. Ekstremistët sulmuar atje qendrën e Kohistanit tha zëdhënës provincial Dshaved Bedar. E paqartë është se sa vetë nga forcat e sigurisë dhe të talebanëve janë vranë.

Zëdhënësi i talebanëve Muxhahid Sabihullah konfirmoi në Twitter pushtimin e qendrave të qareve të Taivaras dhe Kohistanit dhe tha se luftëtarët e tij kishin vrarë shumë forca të sigurisë dhe kishin konfiskuar sasi të mëdha armësh

Dy krahinat e Ghor dhe Fariab ku gjenden zonat e pushtuara janë ngjitur me njëra-tjetrën. Rrethi i Taivarës në Ghor shtrihet direkt në afërsi të krahinave Farah dhe Helmand në jug. Pushtimi i tyre u hap talibanët një korridor që u siguron lirinë e lëvizjes mes perëndimit dhe në veriut të vendit. Sulme dhe luftime ka pasur edhe në jug të vendit në Kandahar dhe Helmand.