Platini me bilanc pozitiv
20 Qershor 2012
Si gjithmonë në manifestimet e mëdha të futbollit, përgjegjësit nxjerrin edhe bilance të përkohshme. Në prag të përfundimit të garave në grupe, shefi i UEFA-s Michel Platini bëri të ditur se tani është momenti më i përshtatshëm për një bilanc të tillë të Kampionatit Evropian 2012. Mendimi i tij ishte se zhvillimi i deritanishëm i kampionatit ishte shumë poizitiv.
Dënimi i racizmit
Por Platini nënvizoi një problem shumë serioz, që u manifestua kohët e fundit edhe në këtë Kampionat: "Çdo formë e racizmit është një problem më vete. Nacionalizmi në disa vende është në një shkallë më të lartë se në vendet tjera. Ky është një problem që ka të bëjë me eduikimindhe shoqërinë. Por edhe futbolli është një pasqyrë e shoqërisë. Ne nuk mund të kujdesemi për sjelljen e 50.000 njerëzve në stadium, nëse ka të tillë që nuk sillen mirë." Si raste të papranueshme Platini përmendi fyerjet mbi baza racore në disa stërvitje dhe ndeshje, si për shembull, ato kundër lojtarit italian Balotelli apo atij çek, Gebre Selassi.
Edhe më i qartë Platini ishte ndaj tifozëve kroatë: "Para një viti kam qenë në Kroaci dhe nuk jam i lumtur me sjelljn e kroatëve. Kroatët kanë një ekip që luan mirë futboll, por e papranueshme është kur ka disa qindra horra në stadiume."
Gjatë këtij kampionati UEFA ka nisur për të dytën herë procedurën e hetimeve kundër Federatës kroate. Pas ndeshjes 1:1 kundër Italisë është konstatuar se tifozët kroatë kanë kënduar këngë me përmbajtje raciste dhe kanë treguar simbole me përmbajtje raciste. Komisioni disciplinor dhe për kontroll i UEFA-s do të vendosë këtë të martë për dënimin.
Edhe Özil i prekur nga ofendimet
Tani po tregohet se racizmi gjatë këtij Kampionati nuk po manifestohet vetëm në Poloni dhe Ukrainë por edhe në Gjermani. Lojtari Mesut Özil tani ka angazhuar edhe juristë për mbrojtje kundër ofendimeve në internet. Lojtari gjerman me origjinë turke është ofenduar mbi baza të përkatësisë kombëtare përmes rrjetit twitter. Në këtë rrjet janë paraqitur mbi 3000 shkrime kundër lojtarit të Real Madridit.
Me përjashtim të këtyre vëretjeve, Planiti kishte vetëm fjalë të mira për organizimin dhe zhvillimin deri tani të Kampionatit. "Jam shumë i kënaqur. Jam i gëzuar që atmfosfera deri tani ka qenë shumë e mirë në 99 % të rasteve. Sipast tij, që tani është e qartë se "Polonia dhe Ukraina kanë fituar". Kjo është për këto vende shumë e rëndësishme kur dihet se në prag të Kampionatit ka pasur shumë vërejtje.