080911 EZB EU Wirtschaftskrise

Dobësimi në rritje i zhvillimit ekonomik e një rënie e vogël e rrezikut të inflacionit - ky është argumentimi kryesor për vendimin e normës së interesit nga Banka Qendrore Europiane. Por më e rëndësishme për dëgjuesit e shumtë ishte vlerësimi i Jean-ClaudeTriechet për situatën e përgjithshme të vështirë në eurozonë. Konsolidimi është rekomandimi më i rëndësishëm i Trichet. „Qeveritë duhet të jenë të gatshme për masat e mëtejshme të konsolidimit. Të gjitha qeveritë e eurozonës duhet të tregojnë vullnet të papërkulshëm për të siguruar në përgjithësi stabilitet financiar të eurozonës.“

Lënie pas dore  të Paktit të Stabilitetit

Në qoftë se do të ishte ndjekur ajo që mendon Trichet, borxhet nuk do të kishin arritur kurrë nivele të tilla, dhe jo vetëm ato të Greqisë. Presidenti i Bankës Qendrore ia zbrazi  zemërimin e tij pothuajse të gjitha qeverive të BE-së që kanë lënë pas dore për vite me rradhë rregullat e Paktit të Rritjes dhe Stabilitetit. „Ne ishim për një kohë të gjatë predikues të vetmuar në shkretëtirë. Ne e kishim shumë, shumë vështirë kryesisht me vendet e mëdha. Mosrespektimi i vullnetshëm ishte qëndrimi i qeverive, i tregjeve nga të gjithë patnerët."

Mosrespektimi ishte kthyer prej kohësh në panik. Problemi i borxheve është bërë një kërcënim serioz për monedhën e përbashkët. Dhe Greqia është rasti më i vështirë i të gjitha përpjekjeve të shpëtimit. Përfaqësues të trojkës ndërkombëtare financuese, BE, Banka Qendrore Europiane dhe FMN  ishin larguar javën e kaluar të frustruar nga Athina, pasi ata konstatuan se Greqia  nuk i ka përmbushur një pjesë të mirë të kërkesave. Por shpresat ishin tepër të larta që nga fillimi, mendon Thomas Morow, president i Bankës europiane për rindërtim dhe zhvillim. Ai u shpreh para gazetarëve në Bruksel.

„Unë besoj se një ndërprerje e borxheve do të jetë e vështirë për t'u shmangur. Aktorët kanë parë ndryshe atë që Banka Qëndrore Europiane dhe krerët e qeverive  këtë mundësi e kanë  hedhur poshtë vazhdimisht. Ne duhet tani të presim rendin dhe, për shkak se dikush ka vendosur  një rrugë tjetër, të shohim, nëse kjo rrugë është e kalueshme.“

Jo, shpërbërje e Euros

Që është e kalueshme, kjo vihet ndërkaq në dyshim, jo vetëm tek Greqia, por edhe tek vendet e tjera të zhytyra në borxhe të larta si Spanja dhe Italia. Por shpërbërjen e euros, Morow e përjashton. „Unë nuk kam anbsolutisht asnjë dyshim që euro-ja do të ketë qëndrueshmërinë e monedhës së përbashkët. Problemi që kemi ne është se jo më pak, kriza financiare e borxheve, jo vetëm në vendet europiane, por edhe në SHBA dhe Japoni është shumë e lartë. Kjo do të duhet të kthehet mbrapsht, dhe  ky është një proces i dhimbshëm për t'u përshtatur, pasi duhen rritur shpenzimet dhe për këtë arsye kjo e tëra peshon tek njerëzit. Por ne duhet ta bëjmë këtë dhe kjo nuk ka asnjë alternativë."

Por edhe për Mirow qëndron vetëm parimi i shpresës, se procesi i përshtatjes mund të realizohet edhe politikisht.

Autor: Christoph Hasselbach/M.Kelmendi

Redaktoi: Lindita Arapi