Në Afganistan janë vrarë rreth 100 luftëtarë talibanë

Në luftime të reja në provincën e Kandaharit, në Afganistanin e Jugut, janë vrarë sipas ushtarakëve amerikanë rreth 100 luftëtarë talebanë. Nga pala e trupave të koalicionit u vra një ushtar afganas. Luftimet u ndezën pas sulmeve të kryengritësve ndaj një autokolone ushtarake. Më tej bëhet e ditur se në provincën Paktika, një atentator vetëvrasës vrau gjashtë vetë, midis tyre dy ushtarë afganas.