1. Kalo tek përmbajtja
  2. Kalo tek lista qendrore e navigimit
  3. Kalo tek më shumë oferta të DW
Live TV
Videot e fundit
Në fokus
EuropaGjermaniaBallkani Perëndimor
PolitikëMali i Zi

Mali i Zi afrohet më shumë me Bashkimin Europian

8 Qershor 2024

Me paketën e re të reformave të miratuar nga parlamenti i Malit të Zi, vendi i afrohet më shumë Brukselit. Qeveria e re e Malit të synon anëtarësimin në BE në vitin 2028.

https://p.dw.com/p/4gp4Y
Seanca parlamentare, Podgoricë, deputetët e ulur në sallë
Seanca parlamentare, PodgoricëFotografi: Risto Bozovic/AP Photo/picture alliance

Me shumicë të gjerë votash, parlamenti i Malit të Zi miratoi një paketë të re ligjore për reformën në drejtësi dhe sigurimin e lirisë së medias. Për projektligjin e qeverisë së qendrës së djathtë të kryeministrit, Milojko Spajic votuan edhe shumica e përfaqësuesve të opozitës, sipas njoftimeve të mediave vendase.

Po ashtu u miratuan edhe rregullore për parandalimin e korrupsionit dhe konfiskimin e pasurive që rrjedhin nga aktivitetet kriminale. Në ditët e kaluara, parlamenti votoi edhe paketën ligjore për emërimin e gjykateve dhe prokurorive të pavarura.

Kryeministri Milojko Spajic
Kryeministri Milojko SpajicFotografi: Risto Bozovic/AP Photo/picture alliance

Mali i Zi orientohet nga standardet e BE

Vendi më i vogël ballkanik orientohet me këto paketa ligjore nga standardet e Bashkimit Europian. Me këto reforma, Mali i Zi hap rrugën për të shënuar progres në negociatat e anëtarësimit në BE. Negociatat kanë filluar në vitin 2012. Qeveria e re në Podgoricë e ka vendosur si objektiv anëtarësimin e vendit në BE në vitin 2028. Nën kryeministrin pro-europian, Spajic Mali i Zi është në pararojë të anëtarësimit mes vendeve të Ballkanit Perëndimor.

la/ag