Luftime në Afganistan - vriten më tepër se 50 kryengritës

Si pasojë e luftimeve mes trupave aleate dhe rebelëve talebanë në Afganistan, sipas të dhënave ushtarake u vranë më tepër se 50 kryengritës. Luftime të ashpra u zhvilluan kryesisht në krahinën jugore Urusgan dhe në krahinën veriperëndimore, Badghis. Në Urusghan u vra edhe një ushtar hollandez. Trupa Ndërkombëtare Paqëruajtëse ISAF pranoi se gjatë një sulmi ajror të kryer të mërkurën në krahinën Helmand kanë humbur jetën disa civilë.