Landi i dy mijë detrave - Meklenburg-Forpomern

Ky land kufizohet në perëndim më Shlesvig - Holstajnin dhe Zaksenin e Poshtëm dhe në jug me Brandenburgun. Qytetet e mëdha janë Rostoku, Shverini, Nojbrandenburgu dhe Vismari (Rostock, Schwerin, Neubrandenburg dhe Wismar). Rostoku është qendra detare e bregut të Detit Baltik (Ostsee) në Meklenburg.

Gjashtë qytete porte në bregun e Detit Baltik

Bregdeti dhe ishujt e gadishujt janë karaktersitikë e këtij landi, ndër to gadishulli Fishland - Dars-Cingst (Fischland-Darß-Zingst), Juzedom (Usedom), dhe ishujt Poel, Hidenze (Hiddensee) dhe Rygen (Rügen). Në Meklenburg - Forpomern ndodhen gjashtë qytete-porte, Rostok, Vismar, Grajfsvald (Greifsëald), Stralszund (Stralsund), Demin (Demmin) dhe Anklam. Ato quhen kështu sepse në mesjetë ato kanë qenë pjesë e Hanzës (Qytetet tregtare HANSE ).

Landi i mijra detrave

Meklengurg - Vorpommern quhet edhe landi i mijra detrave. Zona me detra e Meklenburgut është një rajon i preferuar për zhvillimin e pushimeve. Atje ndodhet Myric (Müritz) liqeni i dytë i brendshëm i Gjermanisë. Turitzmi luan rol të rëndësishëm ekonomik në këtë land. Edhe bujqësia, portet, transporti ujor ndërtimi i anijeve karakterizojnë jetën ekonomikë të Rostokut prej shekujsh.

Meklenburg = Kështjellë e madhe

Emri Meklenburg vjen nga fjalët "mikil", që do të thotë "i madh" dhe "borg" që është "burg-kështjellë". Fjala "Michilinborg" do të thotë pra "Kështjella e Madhe". Mihilinburgu ka pas qenë në jug të Vismarit.

Në shekullin e 11-të aty ka ndodhej qendra e një princi. Nga Mihilinburgu u krijua më vonë Meklenburgu. Në shekujt e kaluar aty kanë jetuar princa dhe fisnikë nga Meklenburgu. Edhe sot këto prona janë ruajtur mirë. Shumë kështjella dhe pallate princash janë kthyer sot në hotele, ose në muzeume.

Në Meklenburg- Forpomern flitet gjermanishte platdojc (plattdeutsch), dialektin e Meklenburgut. Tek njerëzit e moshuar ajo ëshët shumë e përhapur