Kritiku i Putinit Alexej Navalny ka vdekur në burg

Lideri opozitar rus Alexej Navalny, një prej kritikëve më të mëdhenj të Vladimir Putinit, Kremlinit dhe politikës së qeverisë aktuale ruseka vdekur në burg. Lajmin e kanë konfirmuar autoritetet e burgut, ku ai po vuante dënimin shumëvjeçar, me vendim të autoriteteve juridike ruse. Lajmin ndërkohë e kanë konfirmuar edhe shumë media ruse.

Alexej Navalny u dënua me burg për shkak të aktiviteteteve të tij opozitare dhe kundërshtimit të politikës së Putinit. Para disa vitesh atë e helmuan në rrethana të paqarta dhe ai ndodhej në rrezik për jetën. Atëherë Navalny u transportua me avion në Gjermani, ku mjekët ia shpëtuan jetën, por ai nuk deshi të fshihet dhe të jetojë jashtë vendit.

Navalny pas shërimit vendosi të kthehej në Rusi për të vazhduar atje luftën politike kundër regjimit të Putinit. Autoritetet e sigurisë e arrestuan menjëherë në aeroport dhe e duke e dërguar në burg, prej nga tani vjen lajmi se ai ka ndërruar jetë.