1. Kalo tek përmbajtja
  2. Kalo tek lista qendrore e navigimit
  3. Kalo tek më shumë oferta të DW
Në fokus
SiriaUkrainaGjermani - Zgjedhjet e Parakohshme 2025
Videot e fundit
Live TV
Natyrë dhe mjedisEuropë

Reshje dhe vërshime në jug të Austrisë dhe në Slloveni

5 Gusht 2023

Një zonë e presionit të ulët atmosferik ka shkaktuar reshje të fuqishme me pasojë vërshimet e dëme të mëdha në jug të Austrisë dhe në Slloveni.

https://p.dw.com/p/4UoS4
Disa zona në qytezën Ravne na Koroskem në Slloveni janë përmbytyur
Disa zona në qytezën Ravne na Koroskem në Slloveni janë përmbytyurFotografi: Gregor Ravnjak/AP/dpa/picture alliance

Reshjet e furishme në shumë zona kanë krijuar gjendje dramatike. Fshatra të vërshuar prej ujit janë izoluar nga bota përreth. Gjatë rrëshiqtjeve të tokës prej reshjeve në disa zona në verilindje të Sllovenisë kanë humbur jetën tre vetë, njoftoi policia.

Në St. Paul në Lavanttal zjarrëfikësi u vu në veprim

Në kryeqytetin Lubjanë dhe në Maribor e në Celje autoriteti i mjedisit shpalli gjendjen e alarmit. Ushtria ka mbështetur forcat e emergjencës, të zjarrëfikësit dhe të policisë në aksionet e shpëtimit. "Gjendja është serioze", tha ministri i Mbrojtjes Marjan Sarec. Kryeministri Robert Golob ndërpreu pushimet e verës dhe organizoi (05.08.2023) një mbledhje krize.

Në jug të Austrisë, si këtu në Gnas, zona të tëra banimi janë mbuluar nga uji
Edhe në Austri, si këtu në Gnas, në zona të tëra banimi ka vërshuar ujiFotografi: FEUERWEHR GNAS/APA/dpa/picture alliance

Një autostradë u bllokua për shkak të vërshimeve, ura dhe shtëpi janë shkatërruar. Në rreth 16.000 shtëpi u ndërpre energjia. "Disa zona janë të shkëputura tërësisht nga bota përreth dhe komunikacioni është i vështirë", vuri në dukje mbrojtja civile.

Në jug të Austrisë është njoftuar për vërshime. Në landet Kernten dhe Shteiermark banorëve iu bë thirrje mundësisht të largohen nga shtëpitë. Në zonat përreth Eisenkappel dhe Klagenfurt disa fshatra janë izoluar prej vërshimeve. I prekur rëndë është rajoni Voelkermarkt në Kernten.

Mjetet e forcave të emergjencës duke larguar baltën pas rrëshqitjeve të tokës në afërsi të Eisenkappel
Mjetet e forcave të emergjencës duke larguar baltën pas rrëshqitjeve të tokës në afërsi të EisenkappelFotografi: Gert Eggenberger/APA/dpa/picture alliance

Sipas të dhënave të klubit të automobilëve të Austrisë ÖAMTC disa pikëkalime kufitare mes Austrisë dhe Sllovenisë janë bllokuar prej vërshimeve dhe rrëshqitjeve të tokës, ndër to pikëkalimi Loiblpass, ku një natë më parë ka pasur reshje të fuqishme me gati 200 litra për metër katror.

uh/qu (dpa, afp)