Atraksionet turistike më të vizituara të Evropës

Katedralja gotike në zemër të kryeqytetit francez u bë e njohur në të gjithë botën përmes romanit „Katedralja e Parisit“ të Viktor Hygosë. Këtu dergjen eshtrat e Mbretit Diell, Luigjit të XIV, këtu u kurorëzua Napoleoni si Perandor i Francës. Aniata madhështore qendrore ofron hapësirë për 10.000 vizitorë.

Një muze i vjetër, por pararojë në mediat e reja: Me rreth 1.783.000 fansë në facebook, Muzeu i Luvrit ndërkohë është më i pëlqyer se Museum of Modern Art në Nju Jork, që në fillim të vitit ishte ende në krye të listës. Kjo ndoshta faktin se faqja e internetit e Muzeut të Luvrit ofron edhe ture virtuale. E megjithatë në 2014 ishin edhe 9,26 milionë vizitorë, që e vizituan vetë nga afër muzeun.

Tetëmbëdhjetë kulla do ta zbukurojnë katedralen katalonjase – kur të ketë përfunduar dikur. Qëkur krijuesi i saj, Antoni Gaudí, filloi me punimet në vitin 1882. Sagrada Familia është një kantier ndërtimi. Sidoqoftë ajo çdo ditë admirohet prej mijëra vizitorëve. Kolonat e brendshme prej guri të kujtojnë trajtat e pemëve, qemeri I ngjason me një çatie prej gjethesh.

Pallati është një dëshmi mbresëlënëse e arkitekturës mauritane në Gadishullin Iberik. Pamje marramendëse ofrojnë Oborri i Luanëve me shatërvanin e tij dhe kopshtet pompoze. Sundimtarët e Emiratit të Granadës filluan ta ndërtonin pallatin në shekullin e 13-të. Sot Alhambra është një nga pikat turistike më tërheqëse për vizitorët e Spanjës.

„Shën Pjetri në Vatikan“ quhet më saktë bazilika e rezidencës papale. Kisha madhështore zë 20.000 vetë, duke qenë një nga kishat më të mëdha në botë. Artistë të famshëm si Michelangelo kanë punuar për mjediset e saj të brendshme. Në zanafillën e vet, Shën Pjetri i Vjetër ishte kisha e varrimit të Apostullit Pjetër, të peshkopit të parë të Romës. Më vonë këtu u varrosën edhe shumë papë të tjerë.

Kush i hedh një sy historisë së këtij stadiumi romak 2000-vjeçar, ngjethet nga tmerri: Këtu nuk copëtoheshin vetëm gladiatorët me shpata e sëpata, por perandorët i linin edhe vasalët e tyre të padëshiruar të shqyheshin prej kafshëve të egra. Shfaqjet e horrorit tërhoqën për shekuj me radhë deri në 50.000 shikues kureshtarë në amfiteatrin më të madh të botës.

Kur u krijua, në vitin 1753, Muzeu Britanik ishte muzeu i parë kombëtar publik në botë. Hyrja në muze është e lirë për të gjithë ata „persona që dëshirojnë të mësojnë dhe janë kureshtarë“. Në sallën e leximit, e cila u hap më vonë, u furnizuan me municion intelektual kundër sistemit kapitalist në vendin pritës të tyre Karl Marksi dhe Lenini.

Galeria Kombëtare britanike strehon një koleksion të madh me tabllo evropiano-perëndimore, të krijuara në periudhën midis shekullit të 13-të dhe shekullit të 19-të. Ajo qëndron e hapur pothuajse çdo ditë të vitit dhe hyrja është e lirë. Këtu vizitorët mund të admirojnë pikturat e mjeshtrave si Van Gogh, Albrecht Dürer, Rembrandt si dhe të shumë mjeshtrave të tjerëve.

Në vitin 1248 nisi ndërtimi disashekullor i njërës prej kryeveprave të arkitekturës gotike në qytetin buzë Rinit. Në vitin 1880, kur katedralja më në fund ishte gati, ajo mbahej si vepra arkitekturore më e madhe e botës. Sot Katedralja e Këlnit, pjesë e trashëgimisë së UNESCO-s, vizitohet nga 6 milionë vetë në vit.

Mbreti bavarez Luigji II dëshironte një kala të stilit mesjetar. Hapjen e saj në vitin 1886 ai nuk arriti ta përjetonte, por pallati i tij i përrallave sot është një magnet për vizitorët. Ai ngrihet sovran mbi një shpat mali në alpet e Allgaut. Për ndërtimin e saj monarku u frymëzua nga kështjella e Wartburg-ut në Tyringji.

Pallati Topkapi duke filluar nga mesi i shekulit të 15-të ka qenë qendër e pushtetit të Perandorisë Osmane. Kompleksi ndahet në 4 oborre, të cilët përdoreshin për qëllime të caktuara. Këtu jetonin e punonin, si në një qytet të vogël, deri në 5.000 vetë.

Perandori romako-lindor Justinian e ndërtoi Shën Sofinë në vitin 532 si shtëpi kristiane të Zotit. Ajo duhej të ishte e ngjashme me ndërtimet luksoze të Perandorisë fqinje romako-perëndimore. Mendohet se perandori investoi pasuri të mëdha ari në këtë ndërtim. Me pushtimin e Bizantit në vitin 1453, kisha u bë pronë e osmanëve. Sundimtarët islamë e kthyen në xhami.