Arrestohen funksionarë të FIFA-s

Dy ditë para kongresit vjetor të Federatës Botërore të Futbollit FIFA prokuroria zvicerane ka hapur një çështje penale lidhur me caktimin e vendeve të Kampionatit Botëror të Futbollit në vitin 2018 në Rusi dhe 2022 në Katar. Në këtë kontekst në selinë qendrore të Federatës Botërore të Futbollit FIFA në Zyrih janë konfiskuar të dhëna elektronike dhe dokumente, njoftoi autoriteti të mërkurën. Ka dyshime për veprimtari të paligjshme dhe për pastrim parash. U tha se hetimet nuk zhvillohen kundër personave konkretë. Më parë u ishte kërkuar institucioneve financiare zvicerane që të grumbullonin dokumentet bankare. "Të dhënat elektronike dhe dokumentet e siguruara sot, si dhe dokumentet bankare u shërbejnë si procedurave penale zvicerane, ashtu edhe atyre të huaja", u shpreh prokurori.

Federata Botërore e Futbollit i ka përshëndetur në përgjithësi masat e prokurorisë zvicerane lidhur alokimin e kampionatit botëror në vitin 2018 në Rusi dhe në Katar në vitin 2022. Megjithatë shefi i komunikacionit Walter de Gregorio tha në një konferencë shtypi në selinë e FIFA-s në Zyrih: "Koha nuk është më e mira. Hapja e procedurës penale njëkohësisht me kongresin e FIFA-s." Ai fillon këtë të enjte dhe do të vazhdojë, siç është planifikuar me zgjedhjen e presidentit të FIFA-s të premten. De Gregorio bëri edhe një herë të qartë se FIFA i ka kërkuar nëntorin e vitit të kaluar prokurorit të përgjithshëm që të hapë procedurën penale. "Kjo është e mirë për FIFA-n. Nuk është mirë për imazhin, emrin e saj. Por në sensin e transparencës, që ajo të të pastrohet, është mirë", tha de Gregorio. "Në këtë kontekst FIFA është pala e dëmtuar."

Mashtrim, shantazh, pastrim parash

Në të njëjtën ditë policia zvicerane arrestoi me kërkesë të SHBA disa funksionarë të FIFA-s, të dyshuar për korrupsion. Këtë e konfirmuan autoritetet gjyqësore vendase. Sipas autoriteteve zvicerane një lidhje midis këtyre dy procese nuk ka.

Drejtuesit e FIFA-s, sipas një raporti të "New York Times", duhet të dorëzohen në SHBA dhe të akuzohen atje. Akuzat janë mashtrim, shantazh dhe pastrim parash. Një ndër gjashtë funksionarët e futbollit të arrestuar në Zyrih është, sipas njoftimeve të mediave, zëvendëspresidenti i FIFA-s Jeffrey Webb.

Aksioni i policisë në hotelin nobel të Zyrihut "Baur au Lac" është bërë me kërkesë të ministrisë së Drejtësisë së SHBA. Kundër 14 personave po hetohet nga prokuroria në Nju Jork. Bëhet fjalë për ryshfete dhe provizione të fshehura në vlerën e 100 milionë dollarëve që në vitet 90-të. Funksionarët fajësohen se kanë pranuar ryshfet për shpërndarjen e turneve të futbollit në Amerikën Latine dhe SHBA dhe për të drejtat televizive dhe të sponsorizimit.

"Ditë e trishtuar për futbollin"

Ndër të arrestuarit në Zyrih duhet të jenë anëtarë të komitetit ekzekutiv të FIFA-s. Köshtu edhe shefi i Federatës së Futbollit të Kosta Rikös, Eduardo Li, u arrestua nga policët me veshje civile.

Sipas "New York Times" dhe CNN shefi i FIFA-s Joseph Blatter nuk bën pjesë ndër të akuzuarit. Siç duket hetimet e autoriteteve amerikane kanë të bëjnë me pagimet e ryshfeteve për të drejtat e marketingut madje qö nga koha para marrjes së drejtimit nga zvicerani në vitin 1998.

79-vjeçari Blatter është favoriti kryesor në zgjedhjen në një mandat të pestë në kongres nö premten. Kandidati i vetëm rival është princi Ali bin al-Hussein nga Jordania, që deri tani nuk i është dhënë asnjë shans. "Kjo është një ditë e trishtuar për futbollin", thotë sfidanti 39 vjeçar i Blatter-it. Duke patur parasysh rrjedhën e mëtejshme të hetimeve dhe masat nuk është e përshtatshme, "që në këtë moment të jepen komente", thuhet në njoftimin e shefit të federatös jordaneze.

Në SHBA që prej tre vjetësh vazhdojnë hetimet edhe nga FBI kundër të mëdhenjve të dikurshëm të FIFA-a. Ish shefi i shoqatës të SHBA Chuck Blazer dhe ish zëvendësi i Blatter Jack Warner nga Trinidad dhe Tobago janë në mesin e të pandehurve për një sërë rastesh korrupsioni. Blazer thuhet se ka bashkëpunuar së fundi me hetuesit amerikanë.

Disa hetime të brendshme të Federatës Botërore të Futbollit u ndërprenë në dhjetor "pa rezultat"....