Aksion ushtarak për lirimin koreanojugorëve në Afganistan

Forcat afgane të sigurimit dhe trupa ndërkombëtare kanë nisur një operacion ushtarak për lirimin e 23 shtetasve koreanojugorë, të cilët ndodhen në duart e talebanëve radikalislamik.Ky lajm u bë i ditur nga ministria e mbrojtjes në Kabul.
Një zedhënës i talebanëve radikalislamik kërcënoi me vrasjen e 23 pengjeve, në mesin e të cilëve 15 gra, nëse deri të djelën në mbrëmje qeveria në Kabul nuk liron të gjithë të burgosurit talebanë.
Sekretari i përgjithshëm i Kombeve të Bashkuara,Ban Ki Moon, ka shprehur shqetësimin e tij për pengjet e fundit me të huajt në Afganistan.Ai ka lutur presidentin afgan,Hamid Karsai, që të merret personalisht me fatin e koreanojugorëve dhe të dy gjermanëve,bën të ditur selia e OKB-s në Nju Jork.Për një zgjidhje të krizës së pengjeve, një delegacion me përfaqësues nga qeveria e Koresë së Jugut ka mbërritur sot në Kabul.