کرونا وبا او په عجيب و غريب ډيزاينونو جوړ تابوتونه

د کرونا وبا سره په نړۍ کې د انسانانو مرګ و میر ډير شوی. دغې وبا سره د مړو د ښخولو مراسمو، په ځانګړې توګه لويديځ کې تغییر موندلی. په آلمان کې څه باندې ۷۳ سلنه مړه شوو کسانو وصیت کړی وو چې جسدونه يې په هدیره کې د خښولو پر ځای «وسوځوي.»

د ځينو له پاره دا خبره له تصوره لرې ده، چې مړی يې په ساده تابوت کې خاورو ته وسپارل شي. هغوی غواړي ځانګړی تابوت ولري. دوی غواړي تابوت يې باید د هغوی د شخصيت، مسلک او طرز تفکر ښکاروندويي وکړي.

د وانیل کریم لرونکي دوناټ خوږې په شکل يو تابوت. دغه تابوت د نيوزيلند د «Dying Art» شرکت جوړ کړی دی.

په مسيحي هیوادونو کې تر ډيره مړي تر مړينې څو ورځې وروسته خاورو ته سپارل کيږي. دغه مراسم معمولاً له کلیسا څخه پيليږي او بیا تابوت د ښخولو له پاره هديرې ته انتقاليږي.

دغه تابوت د فلمونو، د «فضايي مخکښو» سريالانو، د «لګو» (LEGO) مينانو او کشتۍ چلونۍ د فلمونو شوقیانو له پاره جوړ شوی دی.

دغه ډول ځانګړي تابوتونه د هغو کسانو له پاره جوړ شوي چې له ګلانو او بوټو سره ډيره مينه لري.

دغه تابوت خاص د هغو کسانو له پاره چې پيانو غږوي، جوړ شوی دی. د دغه تابوت په لیدلو هر څوک پوهيږي چې په هغه کې ايښودل شوی مړی يو پيانو غږونکی وو.

په نيوزيلند کې د «دایینګ آرت» شرکت د پړانګانو له پاره هم په دغه ډيزاین تابوت جوړ کړی دی.

هنرمندانو د کرونا وبا څخه مخکې هم د خپلو جنازو او خاورې سپارلو مراسمو ته هنري پاملرنه کړې ده. څو کاله وړاندې په کسل ښار کې د «انګلیس عجیب او غریب تابوتونو» یو نندارتون جوړ شوی وو. (انځور د کسل د ۲۰۰۵م کال په نندارتون کې د سکيت په شکل يو تابوت)

په کاسل ښار کې د «انګلیس عجیب او غريب تابوتونو» نندارتون چې په ۲۰۰۵م کال کې جوړ شوی وو پکې ۱۶ ډوله تابوتونه نندارې ته وړاندې شول.

په افريقا کې هم د عجیب او غریب تابوتونو دود شته. يو ګانايي تابوت جوړونکي د زمري په ډیزاین تابوټ او د پوځيانو له پاره تابوټ چې د توپ په ډيزاین دی جوړ کړي دي.

دغه تابوتونو چې د موټر او الوتکې په ډيزاین دي، په ګانا کې جوړ شوي دي.

دغو تابوتونو باندې د «آلفرد اوپيولکا» اثار نقاشي شوي دي. دغه تابوتونه د ۲۰۰۶م کال د «تابوت پر مخ هنر» په نوم يوه نندارتون کې ايښودل شوي ول.

په مصر کې بيا د پيړۍ پيٍړۍ مخکې وختونو تابوتونه کشف شوي چې په هغو کې نه یوازې مومیايي جسدونه کیښودل شوي بلکي باندې يې هم د نقاشۍ په شکل د پيغامونو درلودونکي دي.