پېښور کې ښوونځي ته نږدې چاودنه شوې ده
۱۴۰۲ آذر ۱۴, سهشنبه
اعلان
ویل کېږي چې دغه پېښه د یو خصوصي ښوونځي مخې ته د ځای پر ځای شویو چاودېدونکو توکو له امله رامنځ ته شوې ده.
د ځایي سېمې د روغتون مسوولینو له رسنیو سره په خبرو کې ویلي دي چې په ټپي ماشومانو کې د دوو روغتیایي وضعیت نازک دی. ویل کېږي په دغو ماشومانو کې د افغان کډوالو ماشومان هم شامل دي.
د دغه پېښې پړه تر اوسه چا نه ده منلې خو ځایي امنیتي مسوولینو ویلي دي چې په دې اړه یې څېړنې پیل کړي دي.