پوتين: د کنسرت پر هال د حملې عاملان به مجازات شي

پوتین وويل: «د دغې حملې ټول سمبالونکي، پلانونکي او چا ېې چې امر کړی مجازات به شي. که هغوی هر ځای کې وي او له هرځایه هدایت کیږي.»

د روسيې ولسمشر چې پر تلویزیون ېې ولس ته وينا کوله وویل چې د حملې په تړاو د څلورو وسلوالو په ګډون یوولس تنه نيول شوي دي.

د روسيې د تحقیقاتو دولتي کمېټه وايي چې په دغه برید کې ۱۳۳ کسان وژل شوي، خو د دولتي تلویزیون یو لیکوالې، مارگاریتا سیمونیان، بیا د کومې سرچنې د ذکر پرته د مړو شمېر ۱۴۳ ښودلی.

په لومړنیو رپوټونو کې د وژل شوو کسانو د ۴۰ او بیا د ۶۰ په شاوخوا کې ښودل شوی وو. دغه حمله چې مسئولیت ېې داعش منلی، نړیوال غبرګونونه ېې راپارولي او د نړۍ د ګڼو رهبرانو له خوا غندل شوی دی او ښايي تلفات یې تر دې هم لوړ شي.

 (Reuters)mks/akh