په کشمير کي تر پنځو مياشتو بنديز وروسته محدوده انترنتي آزادي

د هند حکومت د اگست مياشتي په پيل کي د کشمير په ناامنه سيمه کي چي له پاکستان سره په سرحد کي پرته ده، انترنت قطع کړ، هلته يي نور ځواکونه واستول او نور محدوديتونه هم وضع کړل.

له دغو تدابيرو څخه هدف په سيمه کي د اعتراضونو مخنيوی وو. مخکي له دې د هند حکومت د جمو او کشمير د نيمه خودمختاره ايالت وضعيت لغوه اعلان کړی وو. ياغيان له لسيزو راهيسي په دغه سيمه کي د خپلواکۍ د په لاس راوړلو له پاره مبارزه کوي.

عارف شفيعي چي په دغه سيمه کي د خبريال په توگه کار کوي د دوشنبې په ورځ د آلمان خبري آژانس «ډي پي يي» ته ويلي چي له انترنت څخه حتي د خپل ايميل د چِک کولو له پاره هم استفاده نه سي کيدلای.

رسمي چارواکو ويلي دي چي بيره لري چي له انترنت څخه د خلکو د پاروني له پاره کار وا نه خيستل سي.

د جنورۍ پر لسمه نيټه، د هند عالي محکمې اعلان وکړ چي په کشمير کي دغه محدوديتونه جواز نه لري.

هند که څه هم چې په نړۍ کي يوه ستره ديموکراسي ده، خو په عين حال کي د هر بل هيواد په پرتله انترنت قطع کوي.