تروريزمآسیا
په کابل کې د داعش د برید په اړه د پيکينګ غبرګون
۱۴۰۱ آذر ۲۲, سهشنبه
اعلان
د چین د بهرنیو چارو وزارت ویاند د کابل په یوه هوټل کې چې د چینايي سوداګرو استوګنځی دی، وسله وال برید او چاودنه ټکان ورکوونکې بللې. د دوشنبې په ورځ د کابل په یو مشهور هوټل کې داعش ترهګرې ډلې د دغه برید مسئولیت منلی چې په ترڅ کې یې یو شمیر چینایان ټپیان شوي دي.
په هغه هوټل کي چې ډزې او څو چاودنې وشوې په کابل کې د چینايي سوداګرو او دیپلوماتانو یو له اصلي استوګنځایونو څخه دی.
د رویټرز په وینا، داعش ډلې د برید مسئولیت منلی او په ټولنيزه شبکه ټیلیګرام کې یې په یوه خپره شوې خبرپاڼه کې د ۲۱ کسانو د وژل کېدو او ټپي کېدو ادعا کړې ده.
طالبان چې د تير ميلادي کال د اګست مياشتي له نيمايي څخه پر افغانستان واکمن دي، د ترهګریزو عملیاتو په مخنیوي کې نه دي بریالي شوي. په دې وروستیو میاشتو کې دا ډول بريدونه زیات شوي او د ډیرو مسئولیت داعش پر غاړه اخیستی دی.