په نړۍ کې د لیدو وړ ۱۰ مشهور ځایونه

د ساحې په پام کې نیولو سره دا د نړۍ دریمه ستره کلیسا ده. دغه کلیسا د میلان ښار په مرکز کې پرته ده.

که چا د امریکا د پلازمینې واشنګټن ډي سي «نیشنل مال» لیدلی وي نو حتمي به یې د لینکن په یاد پر جوړو شویو سترو حوضونو هم نظر پریوتی وي. په کال کې تقریباً ۳ میلیونه ۶۰۰ زره کسان له دې ځای څخه لیدنه کوي.

هسپانیا د اندلس ګرنادا (غرناطه) سیمې د الحمرا ماڼۍ د اسلامي مهندسۍ د ښکلو نمونو څخه یوه ده. دا ودانۍ د یونیسکو په فرهنګي میراث کې شامله ده او د اروپا د هغو ځایونو څخه ده چې ډیر زیات خلک یې لیدو ته ورځي.

دغه کلیسا په ګڼو طاقچو سنګار شوې ده. د سانکت پیتربورګ دا کلیسا چې ناجي کلیسا هم ورته ویل کیږي، د سنت باسیلوس کلیسا په طرز په هغه ځای کې جوړه شوې ده چیرته چې د روسیې امپراطور دوهم الکساندر په ۱۸۸۱م کال کې ترور شوی وو.

د دې مسجد / کلیسا په معمارۍ کې چې د خپل ډول له سترو ودانیو څخه یوه ده د شمالي افریقا اسلامي او مسیحي هنر پکښې ځلیږي. دا ودانۍ چې په اتمه میلادي پيړۍ کې د جومات په توګه جوړه شوې وه خو اوس د قرطبه رومن کاتولیک کلیسا ده.

دا ودانۍ چې د مغل پاچا شاه جهان له خوا د خپلې سترې مینې د مقبرې په توګه د هند په آګره ښار کې جوړه شوې وه د مغلو د مهندسۍ د سبک یوه ښکلې نمونه ده. د شاه جهان ګرانه میرمن ممتاز محل د خپل څوارلسم زوی قیصر د زیږولو پر وخت مړه شوې وه.

د پترز دوم جامع کلیسا ته د ورځې تقریباً ۲۰ زره خلک زیارت کوونکي ورځي. د دې کلیسا د بنسټ ډبره په ۱۵۰۶م کال کې ایښوول شوې وه او د جوړیدو چارو یې ۱۲۰ کاله دوام وکړ.

د دې ستر معبد ودانۍ د خمر د کلتور یوه د پام وړ نمونه ده. اټکل کیږي چې دا معبد به په دولسمه پیړۍ کې جوړ شوی وي.

په ابوظبي کې د شیخ زاهد په یاد جوړ دا مسجد د ۴۰ زره کسانو د لمانځه ځای لري. په زرونه هغه بواروسکي کریستال چې دغه ودانۍ پرې سینګار شوې، دې ته یوه ځانګړې ښکلا او عظمت وربخښي.

د ماچو پیچو وریځو ښار د دې مسافرتي انترنت پاڼې له خوا په خپور شوي لېست کې لومړی ځای خپل کړی دی. دا ښار په پنځلسمه پيړۍ کې د جنوبي امریکا د بومي اوسیدونکو اینکا له خوا د ۲۵۰۰ متره په لوړوالي د آندن په سیمه کې آباد شوې وو.