په مديترانه سمندرگي کې څه تيريږي؟

په ۲۰۱۶م کال کې ټولټال ۳۶۲۷۵۳ او د ملګرو ملتونو د تازه خپاره شويو ارقامو له مخې په ۲۰۱۷م کال کې۵۵۳۷۴ تنه مهاجر د مديترانې سمندرګې له لارې اروپا ته رسيدلي دي.

په ۲۰۱۶م کال کې په مديترانه سمندرګې کې شاوخوا ۴۵۰۰ مهاجر مړه یا لادرکه شول. د ۲۰۱۷م کال د می مياشتې تر ۱۹مې نيټې پوري بيا ۱۳۶۴ رسيدلې ده.

دمګړۍ په ليبيا کې له ۸۰۰۰۰۰ تر ۱ميليون پورې مهاجر په دې تمه پراته دي چې د سمندر له لارې به اروپا ته ځي.

په ليبيا کې اروپا ته د تلو په تمه ناستو خلکو ډیری يې د هغو هيوادونو اوسيدونکي دي چې د افريقا د صحرا په سويل کې پراته دي.

مهاجر اروپا ته د رسيدلو له پاره د مرگ تر حده خطر پر ځان مني.

که څه هم په بادي کښتيو کې د سمندر د اوږده سفر هره شيبه خطرناکه وي، خو تر ټولو سخت او ناهيلې کوونکی حالت هغه وي چې بادي کښتۍ له کاره ولويږي.

په مديترانه سمندرګې کې د ژغورني مختلف سمندري ټیمونه فعال دي. دغه ټیمونه د مهاجرو له پاره لوېې هيلې دي. د ايټاليا ساحلي ساتونکې ځيني وخت يوازې په يوه ورځ کې تر زرو زيات مهاجر ژغورلي دي.

په سمندر کې هره شيبه د مرګ خطر احساسيږي. د بادي نازکو کښتيو له کاره ليدل خپله د مرګ پيغام دی. خو کله چې د ژغورني لويې کښتۍ د مهاجرو کښتۍ له ليري په سمندر کې ويني او ژغوري يې، دا د مهاجرو له پاره تر ټولو ښه وخت وي.

کله داسي هم کيږي چې د سمندر په طوفاني څپو کې لاهو شوی مهاجر ژغورل کيږي.

کله چې يو مهاجر له ډوبي شوي کښتۍ او د طوفاني سمندر له اوبو څخه روغ ځان وباسي، نو ځان د دنيا تر ټولو بختور انسان ګڼي. په تيره چې هغه يو ځوان پلار د خپلې لورکۍ سره وي. خو داسې هم پيښيږي چې دوي د خپلو نورو عزيزانو مرګونه په خپلو سترګو ليدلي وي.

په سمندر کې ډیری مهاجر تر ژغورنې وروسته د ايټاليا ټاپوګانو ته رسول کيږي. او هغه مهاجر چې په ليبيا پوري اړوند سمندري اوبو کې ژغورل کيږي بيرته ليبيا ته اړول کيږي.

په بادي کښتۍ کې تر ټاکلي شمير د زياتو کسانو جبري سپرول، د کښتيو نازک والی، د مسلکي چلوونکي نه شتون او ځينې وخت تخنيکې ستونزې لکه د جنراتور خربیدل، په سمندر کې د کښتيو د ډوبيدو لاملونه ښودل شوي دي.

کوم مهاجر چې روغ اروپا ته ورسيږي او د خوښۍ خبري کوي، نو دغه خبري د پاتې مهاجرو چې غواړي اروپا ته ولاړ شي لا ليوالتيا زياتولای شي. کيدای شي دا هم يو عمده دليل وي چې له امله يې په لکونو انسانان په ليبيا کې اروپا ته د تلو په تمه پراته دي.

د ملګرو ملتونو د مهاجرت ادارې ويبپاڼه او آژانسونه. انځورونه: د دويچه ويله له آرشيف څخه