پاکستان کې د اورګاډي ټکر شوی، لږ تر لږه ۱۵ تنه مړه دي
۱۴۰۲ مرداد ۱۵, یکشنبه
د لومړنيو معلوماتو له مخې د اورګاډي لږ تر لږه اته ډبې له پټلۍ څخه وتلي او چپه شوې دي. ژغورونکي عمله د دغو معلوماتو په حواله د پاکستان په جنوب سند آيالت کې د نواب شاه ښار ته رسېدلې ده. د پاکستان د اورګاډو وزير خواجه سعد رفيق وويل چې د چپه شوي ټرين سرعت کم و.
ورته نور ولولئ: پاکستان: په اورګاډي کې د اورلګېدنې له کبله ۷ کسان مړه شوي
نوموړي دا هم وويل چې »تر وخت مخکې ده څو چې د ټکر د لامل په هکله خبرې وشي چې هم مېخانيکي ستونزه يا هم ترهګريز عمل کېدای شي واوسي.«
ورته نور ولولئ: پاکستان: ترافيکي پېښه کې ۱۲ تنه مړه او ۸ ټپیان شوي
د سيمې په روغتونونو کې بېړنی حالت اعلان شوی دی. په پاکستان کې د اورګاډي ټکرونه ډېر پېښيږي چې پټلۍ يې کابو سل کاله پخوا د بريتانيا د استعمار په وخت جوړې شوې دي. په تېر کې بمي بريدونه او ضعيف امنيتي تدابير هم په دغه هېواد کې د اورګاډو د ټکرونو لامل شوي دي.