پاکستان د کشمیر په اړه پر هندوستان سختې نیوکې وکړې

د پاکستان د بهرنیو چارو وزارت په یوې بیانیه کې ویلي دي: «د هندوستان د حکومت له خوا یو اړخیز اقدام نه شي کولی دغه تر شخړي لاندې حالت بدل کړي [...] پاکستان به د دغې نړیوالې شخړې د یوه اړخ په توګه د غیر قانوني اقداماتو پر وړاند خپل ټول ممکن اقدامات وکړي.»

په بیانیه کې راغلي دي چې اسلام آباد دغه اقدام په کلکه غندي او ردوي او هیڅکله هم د جمو او کشمیر او همداراز د پاکستان د خلکو له پاره د منلو وړ نه دی. په بیانیه کې راغلي دي چې پاکستان د جمو او کشمیر «د نیول شویو» سیمو د اوسیدونکو د هغې غوښتنې چې غواړې خپل برخلیک پخپله تعین کړي، ملاتړ کوي.