پاکستان افغان مهاجرو ته دځای ورکولو تر ټولوسترهیواد بلل کیږي

که څه هم يوشمېر افغانان له لسیزو راهیسي په پاکستان کي ژوند کوي او په بریالیتوب سره يي د نوموړي هیواد په ټولنه کی ځانونه مدغم کړي، خو د هغوی د اقامې وضعیت د پاکستاني چارواکو له خوا په نهايي ډول نه دی تائید سوی.

په ملگرو ملتونو کي یو اشاریه ۳ میلیونه افغانان، په پاکستان کي د مهاجرو په توگه ثبت او اړونده اسناد په اختیار کي لري. نورو  ۸۰۰ زره افغانانو د پاکستاني چارواکو له خوا د افغاني اتباعو سند «Afghan Citizen Card» ترلاسه کړی دی.

دغه ډول کارتونه هغوی ته تر یو ځایه پوري محافظت ورکوي، خو نه د ثبت سوو مهاجرو په څیر. د اټکلونو له مخی تیر کال په دغه هیواد کي، نورو یو اشاریه ۷ میلیونه افغانانو پرته له اسنادو ژوند کړی دی. خو بیا یې هم دقیقې شمیرې معلومي نه دي.

پاکستان نه د ۱۹۵۱م کال د ژنیو د کډوالو کنوانسیون او نه هم د ۱۹۶۷م کال د مهاجرینو د قانوني وضعیت پروتوکول لاسلیک کړی دی، چي د کډوالو د ساتني له امله د نړیوالو قانونو ترټولو مهمه وسیله بلل کیږي. له همدې کبله افغان مهاجر په تیرو وختونو کي تعلیم او د کار بازار ته د لاس رسي په برخه کي له تبعیض سره مخامخ سوي دي.

GP/NZ/AG