کشمیر: پاکستانی خبریال د «ملت ضد محتوا» خپرونو په تور نیولی
۱۴۰۰ بهمن ۱۷, یکشنبه
پوليسو ويلي دي چې شاه د فیسبوک او پورتالونو د کاروونکو په منځ کې د «ملت ضد محتویاتو» د مطالبو په خپرولو پيژندل شوی، خو روښانه يې نه کړه چې هغه څه دي.
زياته شوې چې خپاره شوي محتویات «جرمي هوډ» لرونکې دي تر څو په خلکو کې ویره خپره کړي او کیدای شي خلک د «قانون او نظم د ګډوډولو له پاره وهڅوي.» خپاره شوي محتویات «له تروریستي فعالیتونو څخه د ستاينې» معادل ښودل شوي دي.
پولیسو د جنوري په ۳۰مه ويلي وو په پولواما سيمه کې د هندي ځواکونو په یوه عملیات کې د یو کشمیري وسلوال قوماندان د وژلو خبر ورکړی. هغه سره د يوه پاکستاني په ګډون یو شمير ځايي یاغیان هم وژل شوي ول. رويټرز وايي چې د پاکستاني خبریال د نیولو قضیه هم له یادې پيښې سره تړاو لري.
پولیسو د شنبې په ورځ پر ټويټر ولیکل چې شاه د درو مواردو له کبله: له تروریزم څخه د لمانځلو، د جعلي خبرونو د خپرولو او د قانون او نظم د ګډوډولو په موخه د خلکو د هڅونو له پاره تر تعقیب لاندې دی.
د جایزې ګټونکي دغه ژورنالیست په اړه ويل شوي چې څو بهرنيو رسنیو سره يې هم کار کاوه.
په نیویارک کې د خبریالانو د محافظت کميټې له هندي چارواکو د شاه د «سملاسي او له قید و شرط پرته» آزادولو غوښتنه کړې ده او ويلي دي چې د هغه په تړاو تحقیقات دې ودرول شي. په آسیا کې د دغې کميټي همغږي کونکي، ستيف بوتلر، په یوه اعلاميه کې ويلي دي: «چارواکي باید سملاسي شاه خوشي کړي.»