هندوستان، افغانستان او امریکا درې اړخیزه غونډه کوي
۱۳۹۵ شهریور ۹, سهشنبه
اعلان
کیري په نوي دهلي کې له هندوستان سره تر ستراتیژیکو خبرو اترو وروسته، یوه خبري کنفرانس ته د خبرو پر مهال ترهګري وغندله او ټینګار یې وکړ چې د هندوستان پر خاوره د ۲۰۰۸م کال د بریدونو مسئولین باید عدالت ته وسپارل شي.
هغه وویل: «موږ ترهگري پر ښوو او بدو وېشلای نه شو؛ دا کار به و نه کړو. ترهګري، ترهګري ده، مهمه نه ده چې هغه له کوم ځایه راځي او څوک یې پر مخ وړي.»
هندوستان د دغو بریدونو پړه پر پاکستان باندې اچوي. پاکستان د بمبيي د بریدونو عاملان محکمه کوي، خو د هندوستان پر هوایي ډګر باندې د بریدونو په اړه څېړنو لا کومې پایلې نه دي لرلي. په ۲۰۰۸م کال کې په ممبی کې بریدونو ۱۶۶ کسان ووژل.