نیمه فاینل ته د مراکش تر ورداخلیدو وروسته خوشالۍ

په زرونو کسانو د مراکش په کازابلنکا او نورو ښارونو کي سړکونو او کوڅو ته راووتل او په افتخار او ډیرو احساساتو سره یې د خپل هیواد بیرغ رپاوه. هغوی نارې وهلي: « موږ ماهر او مسلکي یو».
د «اطلس زمریانو» د ټیم دغه بریالیتوب ډیر تاریخي ارزښت لري، ځکه تر اوسه پوري د افریقا د براعظم هيڅ ټیم هم د جهاني جام په مسابقو کي نیمه فاینل ته نه دی راوتلی.
د شمالي افریقا د هیواد دغه ټيم په قطر کي د جهاني جام د مسابقو په جریان کي د نورو ترڅنگ د تیر جام دریم اتل، بلجیم، د فوټبال پخوانی قهرمان، هسپانیا او اوس د پرتگال ټیم د هغه د فوټبال د جهاني ستوري، کریستیانو رونالدو سره وگاټه، چي د ۲۰۱۶ م کال د اروپا د جام قهرمان ټيم هم ؤ.