نړۍ د اور په لمبو کې

په روسیه کې له څو اونيو راهيسې ډيري سيمې د اور په لمبو کي سوزي. په ځانګړي ډول د سايبريا ياکوتين سيمه ډېره اغیزمنه شوې. د چارواکو د ارقامو له مخې په ټول هېواد کې ۲۵۰ څخه زياتي اورليګدني په ۳،۵ ميلونه هتکاره زمکه کي رامنځ ته شوي.

یوازې اورونه نه دي انسانان ځوروي، بلکې پر ښارونو خپريدونکي لوګي هم هغوی ځوروي. لکه د سايبريا په کراسنویارسک ښار کې .دغه لوګي په تېره بيا د زړو خلکو له پاره يوه ستره ستونزه ده. په آزاده هوا کې ساه اخيستل نور کابو هیڅ امکان نه لري.

د یونان ايوبويا ټاپو د پیفکي په بندر کې په یوه بیړۍ ځايي اوسيدونکي د وتلو په حال کې دي. هغوی يوه نامعلوم لور ته سفر پیلوي، کله چې بيرته راستانه شي نو ښايي کورونه او سامانونه به یې نور هلته نه وي. د تیرې اونۍ په پیل کې کله د ایوبويا ټاپو په ځنګله کې اور ولګيد،اوس د لومړي ځل له پاره اور سره د مبارزې لپاره لوی هوایی ماموریتونه پر لاره اچول شوي دي.

خو ټول نه تښتې، ډيرې اوسیدونکی غواړي د اور خاموشه کولو کې برخه واخلي چې هڅې یې ښايي بې ګټې وي لکه دلته په عکس کي چې دغه سړې کوښښ کوي چې د اور لمبې مړي کړي. دا څه د چارواکو له پاره يوه ستونزه ده ځکه ډیری خلک په دې توګه خپل ژوند په خطر کې اچوي.

د يونان او ايټالیا ترڅنګ ترکيه هم د سترو لګيدلو اورونو پر وړاندی مبارزه کوي. له ځنګلي ساحې څخه اورونه د اوسيدو سيمو ته د پراخيدو په حال کې دي. د ترکيې اطفايې کارکونکي کوښښ کوي چې کوکرټیم ته نږدې هغه اور خاموش کړي چې کورونو ګواښي. له 150،000 هکتارو څخه ډیره ساحه چې کلي هم پکې شامل دي، لا دمخه د اورونو قرباني شوې.

په کالیفورنیا کې دا مهال تر 5700 څخه ډیر اورونه بل دي، دا په داسې حال کې ده چې د ځنګل د اورونو لګېدو خپل عادي موسم حتی لا نه دی پېل شوی. دلته د اور وژنې عملې غړی د ویسټ ووډ ښار ته نږدې د ځنګلي اور ورو کولو له پاره پر لارو چارو غور کوي.

په کاليفورنيا کې وضعيت د ايرو او اورونو هغه بادونو لا پسې خراب کړی دی چې د سانتا باربرا غرونو له لارې رارسیږی. څرنګه چې وضعیت د تیرو کلونو په پرتله خورا ویجاړونکی او سخت اورونه لګيدلي دی، د شمال لويدیځ د اغیزمنې شوې سيمې واليانو د مرستې لپاره واشنګټن ته مخه کړې – هغوی د اور د خاموشه کولو له پاره لا زياتې عملې او د اور وژنې نقليه وساېطو ته اړتيا لري.