میرکل د مهاجرو د منلو له امله د سولي جایزه ترلاسه کوي
۱۴۰۱ شهریور ۲, چهارشنبه
د ژوري هیئت مشر او په ۲۰۱۸م کال کي د سولي جایزې گټونکي دنیس مک ویگ، د سې شنبې په ورځ په پاریس کي څرگنده کړه: «ټول ژوري هیئت په ۲۰۱۵م کال کي د میرکل د هغي زړه وري پریکړي تر اغیز لاندي راغلی، چي ویل یې څه د پاسه یو اشاریه ۲ میلیون هغه مهاجر به ومني چي په ځانگړي ډول له سوریې، عراق، افغانستان او اریتیریا څخه راغلي وي.» د هغه په خبره: «دا داسي یو درس وو چي هغې تاریخ ته پریښود.»
بیربوک اوس هم د افغانانو پر راایستلو ټینگار کوي
د یونسکو عمومي مشري، اودرې ازولای هم د میرکل د دغي ژمنتیا درناوی وکړ او ويې ویل: « د سولي او امنیت راوستل په دې معني هم وي چي خپلي دروازې د هغو کسانو پرمخ پرانیزې چي ډېر زوریدلي وي. د ژوري هیئت دغه ډول پریکړه پر دې دلالت کوي چي مهاجرو او پناه غوښتونکو ته ځای ورکول یوه مهمه او اساسي موضوع ده.»
د سولي دغه جایزه د عاج ساحل د پخواني حکومتي مشر، فیلیکس هوپویت- بویگنې په نامه نومول سوې ده.
د سولي نوموړې جایزه له ۱۹۸۹م کال راهیسي هر کال هغو کسانو، سازمانونو او یا هم مؤسسو ته ورکول کیږي چي په ځانگړي ډول یې د پرمختگ، پلټنو او یا هم د سولي او امنیت د راوستلو په برخه کي هلي ځلي کړي وي. دا چي دغه جایزه به څه وخت میرکل ته ورکړل سي، لا معلومه نه ده.
GP/NZ/AG